काळाच्या ओघात अनेक मित्र दूर गेले, संपर्क तुटला; पण मनातील मैत्रीची ओढ मात्र कधीच कमी झाली नाही.
कोरोना लॉकडाउनच्या काळात या ओढीनेच एक स्वप्न जन्माला घातले. एक विचार मनात आला—वर्षानुवर्षे दूर गेलेले आपले मित्र पुन्हा एकत्र आणता येतील का?
याच विचारातून एका सुंदर प्रवासाची सुरुवात झाली. अनेक मित्रांचे फोन नंबर हरवले होते, पत्ते बदलले होते, तर काहींचा संपर्क पूर्णपणे तुटला होता. पण हार मानणे हा पर्याय नव्हता.
हरवलेल्या मित्रांना पुन्हा एकत्र आणण्याचे. त्यासाठी असंख्य फोन झाले, जुन्या मित्रांकडे चौकशी झाली, फेसबुकसह विविध सोशल मीडियाचा आधार घेतला, अनेक धागेदोरे जोडले गेले आणि अखेर अनेक हरवलेले मित्र पुन्हा सापडले
दिवस-रात्र फोन करणे, जुन्या मित्रांकडे चौकशी करणे, फेसबुक आणि इतर सोशल मीडियावर शोध घेणे, ओळखीच्या व्यक्तींशी संपर्क साधणे, जुन्या आठवणींमधून धागेदोरे शोधणे अशा अनेक प्रयत्नांमधून हरवलेले मित्र पुन्हा सापडू लागले. प्रत्येक सापडलेला मित्र म्हणजे जणू हरवलेला खजिनाच मिळाल्याचा आनंद होता.
ही वेबसाईट त्या अथक प्रयत्नांची, जपलेल्या मैत्रीची आणि पुन्हा जुळलेल्या नात्यांची साक्ष आहे. आज आपण सर्वजण पुन्हा एकत्र आलो आहोत, ते केवळ अनेकांच्या निःस्वार्थ मेहनतीमुळे, चिकाटीमुळे आणि मैत्रीवरील विश्वासामुळे शक्य झाले आहे.
ही मैत्री अशीच आयुष्यभर टिकावी, नव्या आठवणी निर्माण व्हाव्यात आणि प्रत्येक मित्र या परिवाराशी कायम जोडलेला राहावा, हीच मनापासून इच्छा.
"मैत्री ही रक्ताच्या नात्यापेक्षाही जपावी लागते; कारण ती मनाने जोडलेली असते."